Variables Naming Rules

السلام عليكم، النهاردة هنتكلم عن واحدة من أهم المهارات اللي بتفرق كود عن التاني وبتخلي كود مفهوم وواحد تاني صعب في الTracing والقراءة وهي الVariables Naming Rules.

هنتكلم عن قواعد أساسية ممكن نستخدمها في كل لغات البرمجة وكمان لو بنكتب كود PLC.

1️⃣أول وأهم قاعدة إننا نستخدم اسم للمتغير يكون واضح ومعبر عن طبيعة المتغير نفسه وكمان بلاش يكون غامض أو مُبهم يعني بدل ما نكتب
X=70;
Motor=70;
نخليها
MotorTemperature=70;


2️⃣تاني قاعدة في طرق كتير لتسمية الVariables بتعتبر الBest Practise ومعروفة بين الناس وأشهرهم وكمان بيستخدموا بشكل كبير جدًا هما التلاتة دول
استخدم Naming Convention ثابت حسب اللغة، زي:
camelCase → motorTempreture
snake_case → motor_tempreture
PascalCase → MotorTempreture
وأنا بفضل الأخيرة اللي هي PascalCase ولو هتختار واحدة تمشي بيها لازم تكمل بيها كل الكود متعملش mix بينهم.

3️⃣تالت قاعدة بلاش تبدأ إسم المتغير برقم عشان في لغات كتير في البرمجة هتجيب Error وإنت بتعمل compile، فبلاش تكتب
1MotorTemp=70;


4️⃣القاعدة الرابعة والأخيرة مينفعش تستخدم كلمات محجوزة في اللغة وإنت بتعرف الVariable بتاعك مثلًا مينفعش تختار إسم المتغير int,float أو أي كلمة بتستخدم في اللغة وكملن مينفعش تستخدم أي علامات تانية هي بس الUnderScore هي اللي مسموح بيها.

ونصيحة أخيرة ومهمة.
اكتب الكود كأن حد غيرك هيقرأه وغالبًا الحد ده هيكون إنت بعد 6 شهور.