Control Systems

جمعة مباركة عليكم❤️

أول ما إشتغلت كنت دايمًا بتلخبط وأنا بقرأ في أي كتاب أو بسمع في أي كورس المصطلحات دي فكتبت البوست يوضح الفرق بينهم.

في أنظمة التحكم (Control Systems)، فيه 4 عناصر أساسية كتير مننا بيتلغبط بينهم، وهما:
Sensor – Transducer – Converter – Transmitter
وفهم الفرق بينهم ضروري لأي حد شغال في الأوتوميشن أو الصيانة.


1. Sensor
هو العنصر اللي بيقيس القيمة الفيزيائية (زي الضغط – الحرارة – المستوى...).
بيطلع إشارة أولية ممكن تكون ميكانيكية أو كهربائية ضعيفة.


2. Transducer
وظيفته إنه يحوّل الإشارة من شكل فيزيائي لإشارة كهربائية.
مثال: ترانسديوسر الضغط بيحوّل التغير في الضغط لإشارة كهربية (Voltage أو Current) متناسبة مع التغير ده.

3. Converter
الـ Converter مش بيقيس حاجة، وظيفته بس "يحوّل نوع الإشارة".
أمثلة:

I/P Converter:
بيحوّل إشارة تيار من (20-4) لإشارة ضغط (3-15 psi) علشان نشغّل بلف هواء.

P/I Converter:
بيعمل العكس، من ضغط لإشارة كهربية.

ADC (Analog to Digital Converter):
بيحوّل إشارة أنالوج لإشارة ديجيتال.

DAC (Digital to Analog Converter):
بيعمل العكس بيحول من ديجيتال لأنالوج.



4. Transmitter
بياخد الإشارة اللي جاية من الـ Sensor أو
الـ Transducer، ويحوّلها لإشارة قياسية ومفهومة (زي 4-20 mA أو 0-10V)،
ويبعتها للكنترول سيستم، الـ PLC، أو الـ DCS.

أنواع الـ Transmitters:

Pressure Transmitter

Flow Transmitter

Temperature Transmitter

Level Transmitter

Analytical Transmitter (زي pH – O₂ – CO)



وغالبًا ترتيب السيستم بيكون كده:
Sensor → Transducer → Converter (لو محتاج) → Transmitter → Controller