AhmedKamel

أنا أحمد، مهندس إلكترونيات واتصالات، وبدرّس رياضيات وفيزياء من أكثر من 4 سنوات، عدّى عليّا فيهم أكثر من 100 طالب.

بشتغل مع تلات فئات مختلفة، وكل واحدة ليها أسلوب مختلف:

طلبة الإعدادي والثانوي — رياضيات وفيزياء، للمناهج الدولية (IGCSE وO-Level وA-Level والدبلومة الأمريكية) والمنهج المصري، ومعاها الميكانيكا. في السن ده أغلب المشاكل مش في المادة نفسها، دي حاجة ناقصة من سنة فاتت والطالب كمّل فوقها. فأنا بدوّر على الحتة الناقصة دي الأول قبل أي حاجة.

طلبة الجامعة والهندسة — Calculus وLinear Algebra وDifferential Equations وStatistics وEngineering Mathematics وNumerical Methods. دي المواد اللي أغلب المدرّسين مش بيدخلوا فيها، وأنا دارسها كطالب هندسة وبعدين رجعت أدرّسها، فأعرف الطالب بيتعثّر فين فيها بالظبط.

تدريب مهني وتقني — MATLAB وExcel وأساسيات الشبكات (CCNA) وبرمجة المتحكمات بلغة C. دي بشتغل فيها مع حد محتاج يتعلّم الأداة نفسها لشغله أو لمشروع تخرجه، مش عشان امتحان.

وطريقتي واحدة في الحالات دي كلها: أشوف إنت واقف فين بالظبط قبل ما أشرح أي حاجة، وبعدين نحل مع بعض خطوة خطوة وأنا بشرح ليه بنعمل الخطوة دي، مش بس إزاي. اللي بيحفظ الحل بينساه، واللي فاهم السبب بيقدر يحل مسألة جديدة مشافهاش قبل كده.

بشرح أونلاين، وكمان بروح لبيت الطالب داخل القاهرة والجيزة. وبشرح بالعربي أو الإنجليزي، زي ما يريحك.

لو عندك مادة معيّنة، ابعتلي اسمها ومستواها ونبدأ.

العنوان

الجامعات التي يدرس لها

• الكلية الكنديه الدوليه - Canadian International College - مصر